Fizika – matematika fanlari doktori, professor
1951 yil 18 mayda Samarqand viloyati Pastdarg‘om tumanida tavqallud topgan .1973 yildan beri Farg‘ona davlat pedagogika instituti(hozirgi Farg‘ona davlat universiteti ) da faoliyat ko‘rsatib kelmoqda.1973 yildan kichik ilmiy xodim lavozimida o‘z faoliyatini boshlagan.
U1983 yil Rosiya FA qoshidagi akademik A.F. Ioffe nomidagi FTI dagi ixtisoslashgan ilmiy Kengashda “Fotogalvanicheskie effektiv kristallax bez tsentra inversii” mavzusida nomzodlik,1993 yilda mazkur ilmiy Kengashda “Lineynye i nelineynye opticheskie i fotogalvanicheskie effektyv poluprovodnikax”mavzusida doktorlik dissertatsiyasini himoya qilgan.
2000 yildan fizika kafedrasi professori . Uning ilmiy rahbarligida A.Avliyaev (1998 yil), V.R.Rasulov (2004 yil) Yu.Ye.Salenko (1999 yil) O‘zbekistan Respublikasi Prezidenti davlat stipendiatlari bo‘lishgan. Uning boshchiligida zamonaviy, dolzarb mavzular bo‘yicha bitiruv - malakaviy ishlari ingliz tilida himoya qilinib kelmoqda. Shuningdek, ilmiy rahbarligida Xurshid Abdullaev va Akmal Minavvarovlar o‘quvchilar o‘rtasida o‘tkazilgan “First step to Nobel Prize” (Varshava, 1998 yil) tanlovi sovrindorlari bo‘lishgan. Shogirdi - litsey o‘quvchisi Damir Kalashnikov 2004 yili fizika fani bo‘yicha o‘tkazilgan jahon olimpiadasida bronza medaliga sazovor bo‘ldi. Uning ilmiy rahbarligida Turkiya fuqarosi Tevfik Eski, shuningdek, Yu.Ye.Salenko, D.Qambarov va B.A.Mamadalievlar nomzodlik dissertatsiyalarini muvaffaqiyatli himoya qilishdi.
R.Rasulov Fizika - quyosh ilmiy ishlab chiqarish birlashmasiga tegishli Fizika-texnika institutining ixtisoslashgan (doktorlik) va Andijon davlat universiteti qoshida tashkil etilgan maxsus (nomzodlik) ilmiy Kengashi a’zosi, Farg‘ona davlat universiteti hamda Farg‘ona politexnika instituta ilmiy jurnallari tahririyatlari a’zosi bo‘lgan.
2002 - 2012 yillarda O‘zbekistan Respublikasi FA Farg‘ona ilmiy markazi ijrochi direktori, 2000 - 2002 yillarda fizika, 2004 – 2005 - 2008 yillarda fizika - matematika fakultetlari dekani hamda 1993 - 2012 yillarda kafedra mudiri lavozimlarida faoliyat ko‘rsatib kelgan. U yuqori bosqich bakalavrlari va magistrantlariga “Kvant mexanikasi”, “Qattiq jismlar fizikasi”, “Yarim o‘tkazgichlarda kinetik, optik va fotoelektrik hodisalar”, “Maydonning kvantlashgan nazariyasi”, “Kvantlashgan statistik fizika”, “Nanofizika” kabi fanlardan o‘quv - uslubiy adabiyotlar yaratgan va bu fanlardan yuqori malakali mutaxassis sifatida saboq bermoqda.
2005 yil 25 - 28 fevral, 2014 yil 28 fevral 5 mart kunlari Sankt - Peterburg FTIning qishki maktabida nanooptikaning dolzarb sohalari bo‘yicha ma’ruzasi bilan qatnashib qaytdi.
R.Ya.Rasulov ham mualliflikda 2 ta ixtirouchun patent olgan, turli toifadagi ilmiy jurnallar va ilmiy – amaliy anjumanlarda 227 ta ilmiy, o‘quv – uslubiy ishlari, jumladan, 26 ta ilmiy maqolasi AQSh, Germaniya, Angliya va Rossiya mamlakatlari ilmiy jurnallarida e’lon qilingan. Ham mualliflikda “Kvant mexanikasining asoslari” o‘quv qo‘llanmasi (Toshkent, “Uqituvchi”, 1995)ni yozgan; 1992 yilda Rossiya FA muxbira’zosi, professor Ye.L.Ivchenko bilan ham mualliflikda “Fan” nashriyotida “Simmetriya i realnaya zonnaya struktura poluprovodnikov” nomli monografiyasi chop etilgan.
