Eng qadimiy shahar

    Ushbu risolada O‘zbekiston hududida arxeologiya manbalar asosida  birinchi bor o‘rganilgan eng  qadimgi shahar-Jarqo‘ton haqida  so‘z  boradi.  Jarqo‘ton  yodgorligi  Surxondaryo  viloyatining  Sherobod  tumanida  Bo‘stonsoy  sohillarida  bundan  uch  yarim-to‘rt  ming  yil  avval  qad  ko‘targan  noyob  obida  bo‘lib, unda 1973 yildan hozirgacha keng ko‘lamli arxeologik izlanishlar olib  borildi.

     Qadimgi Sharq sivilizatsiyasi shaharlari turkumiga kirgan bu shahar xarobasidan shahar hukmdorining  monumental shohona saroy  qoldiqlari, yuksak  darajada  rivojlangan ko‘p tarmoqli hunarmandchilik  ob’ektlari  hamda  zardushtiylik  dini  va Avesto  vatani  tarkibiga  O‘zbekiston  hududlari  ham  kirganligidan  guvohlik  beruvchi  mahobatli  monumental  bino — otashparastlar  ibodatxonasi topilgan.

    Ushbu  risolada  ana  shu  noyob  topilmalar  haqida  hikoya  qilinadi.