O‘zbekiston tarixi

     Ushbu  qo‘llanmada  O‘zbekistonning  eng  qadimgi  davridan  to V  asrgacha  bo‘lgan  juda  boy  va  murakkab  tarixi  hikoya  qilinadi. Unda  ajdodlarimizning  ilk  izlari  va  dastlabki  yirik xo‘jalik ixtirolari—dehqonchilik,  chorvachilik,  hunarmandchilikning  kelib  chiqishi  arxeologiya  materiallari  asosida  bayon  etiladi. Shuningdek,  zardushtiylikning  muqaddas  kitobi  «Avesto»  to‘g‘risida,  O‘rta  Osiyo  xalqlarining tashqi dushmanga  qarshi qahramonona  kurashi,  Buyuk  ipak  yo‘li  va  unda  qadimgi  ajdodlarimizning ishtiroki, eng qadimgi yozuvlar, so‘g‘diy va turkiy tillar mushtarakligida  tashkil  topgan  moddiy va madaniy hayot  haqida  fikr  yuritiladi.