Rahmatali Murodovich Rustamov 1962 yilning 1 yanvarida Farg‘ona viloyatining Pop tumani Sang qishlog‘ida ishchi oilasida tug‘ilgan.
1969 yili Pop tumanidagi 10 - o‘rta maktabga o‘qishga kirib, 1979 yili tamomlagan.
Mehnat faoliyatini 1997yili Pop noto‘qima matolar fabrikasi nazorat – o‘lchov asboblari va avtomatika tsexining elektr slesari sifatida boshlagan.
1989 yili Toshkent politexnika instituti Namangan filialining (hozirgi NamMPI) mexanika fakultetini “Gidromelioratsiya ishlarini mexanizatsiyalashtirish” mutaxassisligi bo‘yicha tamomlagan.
1991 yildan Namangan muhandisdik - pedagogika institutida o‘quv ustasi lavozimida ish boshlab, hozirda mashinasozlik fakulteti dekani lavozimida ishlamoqda.
O‘zbekiston sharoiti uchun kartoshkani ekishdan avval tuproqqa sifatli ishlov berish mashinalarini takomillashtirish va bunday turdagi yangi mashinaseparatorni yaratish bo‘yicha ilmiy - tadqiqot ishlari ustida mehnat qildi. Olib borilgan ilmiy - tadqiqot ishlari natijasida tuproqqa ishlov beruvchi mazkur mashinaning tajriba nusxasi yaratildi. Odingan natijalar asosida 1995 yili Butunrossiya qishloq xo‘jalik mashinasozligi ilmiy - tadqiqot institutidagi ixtisoslashgan kengashda “Qishloq xo‘jaligi va gidromeliorativ mashinalar” mutaxassisligi bo‘yicha “KTN - 2V kartoshka yig‘ish mashinasi bazasidagi tuproq separatori ezuvchi barabanining dinamikasi” mavzusidagi nomzodlik dissertatsiyasini muvaffaqiyatli himoya qildi.
Hozirda ilmiy ishlarini davom ettirib, doktorlik ishi ustida ishlamoqda.
60 dan ortiq ilmiy maqolalar va o‘quv - uslubiy ishlar muallifidir. Shuningdek, 3 ta ixtiro uchun mualliflik guvohnomasiga va 3 ta Rossiya Federatsiyasi patentiga ega.
1999 - 2000 yillarda magistratura fakulteti dekani, 2000 yildan esa mashinasozlik fakulteti dekani lavozimida ishlab kelmoqda.
Oliy va o‘rta - maxsus ta’lim vazirligi tomonidan o‘quv qo‘llanma sifatida tavsiya etilgan “Avtomobillarning tuzilishi, texnik xizmat ko‘rsatish va ta’mirlash” kitobi muallifidir.
