Saidova Rahimaxon

Pedagogika fanlari nomzodi, dotsent

    1933 yil 16 mayda Farg‘ona shahrida tug‘ilgan. Farg‘ona davlat pedagogika  institutining  geografiya fakultetini  bitirgan  ayollar orasida birinchi olima. Farg‘ona  shahridagi 1 - o‘rta  maktabni  1952 yilda tamomlab, Farg‘ona pedagogika  institutiga  o‘qishga kirgan.1957 yilda geografiya fakultetini tugatgandan so‘ng  Quva tumanidagi  20 - maktabda o‘qituvchi lavozimida  ishlagan. 1958 yildan  boshlab geografiya   kafedrasida laborant , katta o‘qituvchi, so‘ngra  dotsent lavozimlarida faoliyat  olib borgan.
    1973 yilda Toshkent  davlat universiteti  geografiya  fakulteti  qoshidagi katta ilmiy  Kengashda “Geografiya  darslarida   o‘quvchilarning mustaqil ishlarini  tashkillash” mavzusida  nomzodlik  dissertatsiyasini yoqladi. R. Saidova  maktablarlarda  geografiya   fanini  o‘qitishda  o‘quvchilarning  mustaqil ishlarini  tashkil etish  metodikasini  ishlab  chiqdi  va talim  samaradorligini oshirishda  mustaqil ishlarning  ahamiyatini ochib berdi.Uning tadqiqot ishida mustaqil  ishlarni sistemali amalga oshirish  o‘quvchilar  ko‘nikma  va malaklarining rivojlanishiga, o‘quvchilar   vaqtining  tejalishiga, dars jarayonida  xilma - xil metod va usullardan  foydalanishga  qulay  imkoniyat yaratishi  asoslab berildi.