Fizika - matematika fanlari nomzodi, dotsent
1944 yil 30 aprelda Qirg‘iziston Respublikasining O‘sh viloyati Novqat tumanida tavallud topgan. 1961 yilda o‘rta aktabni tugatdi. Shu yili FDPIning matematika fakultetiga o‘qishga kirdi. 1966 yilda institutni tamomlab, yo‘llanma bilan O‘zbekiston tumanining 8 - o‘rta maktabida chizmachilik fani o‘qituvchisi bo‘lib ishladi. 1967 yilda FDPI matematik analiz kafedrasiga ishga taklif qilindi. 1968 - 1971 yillarda differentsial tenglamalar sohasi bo‘yicha aspiranturada o‘qidi. Professor J. X. Karimov va G. I. Chandirovlar rahbarligida ilmiy izlanish olib borib, 1984 yilda “To‘rtinchi tartibli chiziqsiz xususiy hosilali va yuqori tartibli aralash hosilali parametrga bog‘liq bo‘lgan tenglamalarning bir sinfi uchun aralash masalalar” mavzusidagi nomzodlik dissertatsiyasini ximoya qildi va fizika- matematika fanlari nomzodi ilmiy darajasini oldi. 1985 yilda dotsent ilmiy unvonini olishga sazovor bo‘ldi.
K. Shabadikov 1975 - 1980 yillarda matematika fakultetining tarbiyaviy ishlar bo‘yicha dekan o‘rinbosari, 1981 - 1985 yillarda o‘quv ishlari bo‘yicha dekan o‘rinbosari, 1985 - 1986 yillarda xo‘jalik shartnomasi bo‘yicha tashkil qilingan “Quyosh energiyasidan foydalanish va uni hayotga tatbiq qilish” laboratoriyasi rahbari, 1987 - 1999 yillarda matematika fakulteti dekani, 1992 - 1994 yillarda respublika Test Markazi xodimi, 1994 - 1996 yillarda test texnologiyasini rivojlantirish va takomillashtirish laboratoriyasi rahbari, 2002 - 2004 yillarda universitet ichki nazorat bo‘limi boshlig‘i, 2004 - 2010 yillarda differentsial tenglamalar kafedrasi mudiri lavozimlarida ishladi. Hozirgi kunda matematik analiz va differentsial tenglamalar kafedrasining dotsent lavozimlarida faoliyat ko‘rsatib kelmoqda.
K. Shabadikov o‘z mehnat faoliyati davomida 47 ta ilmiy - uslubiy maqola, 6 ta o‘quv - uslubiy qo‘llanma va “Chiziqsiz differentsial tenglamalar” mavzusi bo‘yicha monografiya (ingliz tilida T.Yuldashyev bilan hamkorlikda) tayyorladi. Uning mehnatlari 1983 yil “Xalk maorifi a’lochisi” nishoni va Faxriy yorliq, 1991 yilda “Mehnat faxriysi” medali bilan taqdirlangan. U universitetda xizmat ko‘rsatgan dotsent hamdir.
