Biologiya fanlari nomzodi, dotsent
1978 yil 19 iyulda Namangan viloyati Mingbuloq tumanidagi Qorashahar qishlog‘ida tug‘ilgan. 1995 yilda tumandagi 37 - o‘rta maktabni bitirib, FDU tibbiyot fakultetiga o‘qishga kirgan. 1999 yilda mazkur fakultetni “Ekologiya va tabiatdan foydalanish” ixtisosligi bo‘yicha imtiyozli diplom bilan tamomlagan. 1999 - 2000 yillarda zooologiya kafedrasida shogird – tadqiqotchilik asosida ilmiy – tadqiqod ishlarini olib borgan. 2002 yilda magistraturani zoologiya mutaxassisligi bo‘yicha imtiyozli diplom bilan tamomlagan.
Pedagogik faoliyatini 2002 yildan zoologiya va umumiy biologiya kafedrasi o‘qituvchisi lavozimidan boshlagan. 2003 - 2006 yillar davomida zoologiya kafedrasida entomologiya yo‘nalishi bo‘yicha aspiranturada tahsil olgan. Aspiranturani tamomlab, zoologiya kafedrasi o‘qituvchisi lavozimida faoliyatini davom ettirgan. 2007 - 2012 yillar davomida universitetning ilmiy va ilmiy - pedagogik kadrlar tayyorlash bo‘limi, ichki nazorat va monitoring bo‘limi boshlig‘i lavozimlarida faoliyat olib borgan.
M. Shermatov 2010 yilda O‘zR FA Zoologiya ilmiy tadqiqot institutida “Tut parvonasi ning Farg‘ona vodiysida tarqalishi, biologiyasi va ekologik xususiyatlari” mavzusida nomzodlik dissertatsiyasini himoya qilib, biologiya fanlari nomzodi ilmiy darajasini olgan. U respublika va xorijiy nashrlarda o‘z sohasiga oid 40 dan ortiq ilmiy va ommabop maqolalar e’lon qilgan, 3 ta o‘quv - uslubiy qo‘llanma muallifi.
Tizimdagi samarali faoliyati uchun 2013 yilda Oliy va o‘rta maxsus ta’lim vazirligining Faxriy yorlig‘i bilan mukofotlangan. 2014 yilda O‘zbekiston Respublikasi “Kamolat” yoshlar ijtimoiy harakati Markaziy kengashining “Eng namunali ilm - fan targ‘ibotchisi” nominatsiyasi bo‘yicha diplomi bilan taqdirlangan.
2012 yildan tibbiyot - geografiya fakulteti zoologiya kafedrasi mudiri lavozimida faoliyat ko‘rsatib kelmoqda.
