Fizika-matematika fanlari nomzodi, dotsenti
1960 yil 24 oktyabrda Marg‘ilon shag‘ridagi 8 - o‘rta maktabni tamomladi. Shu yili Farg‘ona davlat pedagogika instituti matematika fakultetiga o‘qishga kirdi. U yerda 3 - kursga qadar o‘qidi, so‘ngra o‘qishini ToshDU ning matematika fakultetiga ko‘chirdi va uni 1983 yilda tamomladi.
Mehnat faoliyatini 1983 yili Farg‘ona davlat pedagogika institutida kichik ilmiy xodimlikdan boshladi. 1987 - 1989 yillarda Kiev davlat universitetining aspiranturasida o‘qidi. Taniqli professor N. Leonenkoning ilmiy rahbarligida 1990 yili “ Tasodifiy maydonlar uchun limit teoremalar “ mavzusida ilmiy izlanishlar olib borib, fizika - matematika fanlari nomzodligi uchun dissertatsiya himoya qildi.
1990 yildan dastlab umumiy matematika kafedrasi o‘qituvchisi, so‘ngra ehtimollar nazariyasi kafedrasida o‘qituvchi lavozimlarida ishladi. Shundan so‘ng ehtimollar nazariyasi , umumiy matematika kafedralari mudiri, iqtisodiyot fakulteti dekani o‘rinbosari, universitet o‘quv bo‘limi boshlig‘i lavozimlarida samarali ishladi.
Faoliyati davomida talabalarga “Ehtimollar nazariyasi va matematik statistika “, ”Iqtisodchilar uchun matematika” , “Oliy matematika” fanlaridan maruza va amaliy mashg‘ulotlar o‘tib keldi.
Sh.Sobirov ilmiy - pedagogik faoliyati davomida ehtimollar nazariyasi yo‘nalishida ilmiy izlanishlar olib bordi hamda O‘zbekiston Fanlar akademiyasi fundamental tadqiqotlarni qo‘llab - quvvatlash fondi granti asosida “Tasodifiy masofalarning taqsimot qonuni” mavzusidagi ilmiy tadqiqot ishlariga rahbarlik qildi.
