Geografiya fanlari nomzodi, dotsent
1933 yil 5 fevralda Furqat tumanidagi Shuxay qishlog‘ida tug‘ilgan. 26 - o‘rta maktabni 1947 yilda tamomlab, Qo‘qon pedagogika bilim yurtiga o‘qishga kirgan. 1951 yilda ushbu bilim yurtini, 1956 yilda Farg‘ona davlat pedagogika institutini tamomlagan. O‘zbekiston tumanidagi 14 - o‘rta maktabda 1956 - 1960 yillargacha geografiya o‘qituvchisi bo‘lib ishladi. 1960 - 1961 yillarda Farg‘ona davlat pedagogika institutining geografiya fakulteti aspiranturasida tahsil oldi. 1965 yili “Farg‘ona vodiysi landshaftlari” mavzusida nomzodlik dissertatsiyasini yoqladi. 1967 yilda esa unga dotsentlik ilmiy unvoni berildi. 1971 - 1974 yillar davomida tarix - geografiya, 1986 - 1988 yillarda tibbiyot -geografiya fakulteti dekani, 1975 - 1985 yillarda geogrfiya kafedrasi mudiri lavozimlarida faoliyat olib bordi.
O‘tgan davr mobaynida ilmiy va amaliy ahamiyatga ega bo‘lgan “Farg‘ona vodiysi landshaftlari hududining sug‘orilishi natijasida o‘zgarib borishi va uni tahlil qilish” mavzusidagi tadqiqot ishlarini olib bordi. 1974 yili O‘zbekiston Fanlar akademiyasining “Fan” nashriyoti uning “Suv va hayot” nomli risolasini nashr etdi. Yu.Sultonov tomonidan 1981 - 1990 yillarda tashkil etilgan laboratoriyada Farg‘ona vodiysidagi sanoat chiqindilari bilan atmosferaning ifloslanishini o‘rganish bo‘yicha tadqiqot ishlari olib borildi. Bu laboratoriya rivojlanib, “Atmosfera havosini muhofaza qilish regional ilmiy – tadqiqot instituti” ga aylandi.
Yunusali Sultonov geografiyaga bag‘ishlangan ko‘plab xalqaro anjumanlarning qatnashchisi bo‘lgan. 1975 yili Moskva shahrida o‘tkazilgan XXIII xalqaro geografik kongressda qatnashib, geoekologiyaning hududiy muammolari haqida maruza qilgan . 1974 yilda uning “Farg‘ona vodiysini janubdan o‘rab turgan tog‘larning tabiati” nomli ilmiy asari elon qilindi.
