Toʻlqin Fayziyevich Bekmurodov

Toʻlqin Fayziyevich Bekmurodov (1935.18.4, Toshkent) - energetika va mexanika sohasidagi olim, Oʻzbekiston FA akademigi (2000), texnika fanlari doktori (1977), professor (1978). Moskva energetika institutini tugatgan (1958). Oʻzbekiston FA "Kibernetika" ilmiy ishlab chiqarish birlashmasi bosh direktori oʻrinbosari (1980-1990), shu birlashmaning tizimli tadqiqotlar instituti laboratoriya mudiri (1997-yildan), Qarshi davlat universiteti rektori (1992-1997). Ilmiy ishlari informatika, hisoblash texnikasi va avtomatlashgan boshqarish tizimlariga doir.