To‘xtasinov Erkin Mo‘ydinovich

Texnika fanlari nomzodi , dotsent

    1937  yil 5 avgustda Oltiariq tumanida tug‘ilgan. 1955 yili Farg‘ona shahridagi  1 -  maktabni  tamomlagach, Farg‘ona davlat  pedagogika institutining fizika - matematika  fakultetiga o‘qishga kirdi. Uni 1961 yilda imtiyozli diplom bilan  tamomladi va shu  yildan  fizika  kafedrasida  o‘qituvchi lavozimiga ishga  qoldirilgan.
    1965 - 1966 yillarda ilmiy - tadqiqotchi, 1967 - 1970 yillarda Toshkent  davlat universitetida  yarim o‘tkazgichlar fizikasi bo‘yicha  aspiranturada o‘qidi. 1972 yilda texnika  fanlari  nomzodi ilmiy     drajasini olish uchun dissertatsiyasini himoya qildi. 1978 - 1984 yillarda  industrial - pedagogika fakulteti dekani lavozimida ishladi. 1973 - 1978 yillari  ishlab chiqarish  asoslari kafedrasi mudiri, 1976 yildan dotsent.
    1984 yili Yu.A. Ganin bilan  hammualliflikda “Radiotexnika” o‘quv  qo‘llanmasini  birinchi bo‘lib o‘zbek  tilida nashr qildirdi.
    1976 - 1986 yillarda Respublikada  talim  vazirligi  qoshidagi  mehnat talimi uslubiy kabineti azosi bo‘lgan.
    1991 yilda ko‘p  yillik samarali ishlari va ijtimoiy - siyosiy hayotdagi faol  ishtiroki  uchun O‘zbekiston Respublikasi  Prizidenti tomonidan  Faxriy yorliq bilan mukofotlangan.