Biologiya fanlarin nomzodi, dotsent
1933 yil 13 yanvarda Namangan viloyati Norin tumani Xonobod qishlog‘ida tavallud topgan. 1950 yilda Norin tumanidagi o‘rta maktabni imtiyozli tamomlab, Farg‘ona davlat pedagogika institutiga o‘qishga kirgan. 1954 yilda biologiya - ximiya fakultetini biolog - ximik ixtisosligi bo‘yicha imtiyozli baholar bilan tamomlab, institutining ximiya hamda botanika kafedralarida assistent lavozimida faoliyat olib borgan.
1958 yildan O‘zbekiston Qishloq xo‘jaligi akademiyasi qoshidagi aspiranturaga o‘qishga kirib, 1961 yilda o‘simliklar fiziologiyasi ixtisosligi bo‘yicha ilmiy ish olib borgan holda nomzodlik dissertatsiyasini muvaffaqiyatli himoya qildi. 1961 yildan boshlab Farg‘ona davlat pedagogika instituti botanika kafedrasida ish faoliyatini davom ettirdi.
N. To‘ychiyev 1965 - 1968 yillar davomida Andijon paxtachilik instituti ochilgach, botanika va o‘simliklar fiziologiyasi kafedrasi mudiri, 1968 yildan boshlab Farg‘ona pedagogika instituti ximiya - biologiya fakultetini dekani, 1976 yildan esa qishloq xo‘jaligi kafedrasi mudiri lavozimlarida ishladi.
Imzolangan xo‘jalik shartnomalari asosida qishloq xo‘jaligi zararkundalariga qarshi biologik kurash yo‘nalishida 1980 - 1985 yillar davomida ilmiy –tadqiqot ishlarini olib bordi. Shuningdek, sobiq Ittifoq Fanlar akademiyasining fizika - yadro ilmiy tekshirish instituti bilan hamkorlikda xlorafill matseriyasini lazer nurlari orqali o‘simlikshunoslikda foydalanish borasida ilmiy - tadqiqot ishlarini olib bordi. 1984 yilda o‘tkazilgan Butunittifoq xalqaro konferentsiyasida bu usuldan foydalanish borasidagi tadqiqot hulosalari bilash ishtirok etdi.
Umrining oxiriga qadar Farg‘ona davlat universiteti tibbiyot - geografiya fakulteti botanika kafedrasida faol mehnat qildi.
