Usmonov Yoqubjon

Texnika fanlari nomzodi, dotsent

    1943 yil 10 oktyabrda Farg‘ona viloyatining Marg‘ilon shahrida tavallud topgan. 1969 yilda  Samarqand davlat universitetini tamomlab, Farg‘ona politexnika  institutida   laboratoriya  boshlig‘i  lavozimida  ish boshlagan. 1970 yil  Farg‘ona davlat  pedagogika instituti fizika  kafedrasiga assistent lavozimiga taklif qilindi.
    1971 yili Farg‘ona pedagogika institutining  fizika kafedrasi shogird -tadqiqotchisi bo‘ldi. 1972 yili aspiranturaga  kirib, ilmiy  ishini  bajarish uchun  Moskvadagi  Krijijanovskiy nomidagi  Energetika  institutiga  yuborildi. 1975 yili  aspiranturani muvaffaqiyatli tamomladi.
    1976 -1977 yillarda fizika texnika  fakulteti  dekani o‘rinbosari, 1977 - 1988 yillarda  umumtexnika kafedrasi  mudiri, 1988 - 1989 yillarda  industrial -pedagogika fakulteti  dekani o‘rinbosari  lavozimlarida ishladi. 1979 yili Moskvadagi Pshlat va qotishmalar institutida nomzodlik  dissertatsiyasini himoya qildi. 1983 yildan buyon dotsent lavozimida  ishlab kelmoqda.
    1989 - 1993 yillari industrial - pedagogika  fakulteti dekani, 1999 - 2000 yillarda fizika - texnika fakulteti  dekani  lavozimlarida faol mehnat qildi. 2001-2004 yillari akademik litsey, kasb - hunar  kollejlari va marketing xizmati  bo‘yicha prorektor, 2004 - 2007 yillarda kasbga o‘qitish uslubiyoti kafedrasi  mudiri lavozimlarida ishladi.