Xoldorova To‘lqinoy

Kimyo fanlari nomzodi, dotsent

    1939 yil  30 sentyabrda Farg‘ona  viloyati  Bag‘dod  tumanining Ultarma qishlog‘ida tug‘ilgan. 1957 yili  o‘rta maktabni alo baholar bilan tugalladi va shu yili Toshkent shahridagi  O‘rta Osiyo davlat  universitetining  kimyo fakultetiga  o‘qishga  kirdi.  Oliygoxni 1962 yili  tamomladi  va shu  yili  yo‘llanma  bilan Farg‘ona davlat pedagogika  institutiga o‘qituvchi  lavozimiga  ishga keldi. Ana  shu davrdan  to  shu kungacha kafedra o‘qituvchisi, kafedra dotsenti, kafedra  mudiri  lavozimlarida ishladi. O‘qituvchilik  faoliyati  mobaynida “Fizik va kolloid kimyo” fanidan  talabalarga dars bergan.
    T. Xoldorova 1969 - 1972 yillarda Moskva  shahridagi P. Lumumba nomidagi  Xalqlar  do‘stligi  universiteti aspiranturasida  o‘qib, 1972 yil 3 oktyabr kuni kimyo fanlari nomzodi ilmiy  darajasini olish uchun  dissertatsiya yoqladi. 1977 yili kimyo kafedrasi dotsenti ilmiy unvonini olishga  sazovor bo‘ldi.
    Shu kunga qadar  30 ta ilmiy – metodik  maqolalar elon qilgan. Talabalar uchun  2 ta o‘quv  qo‘llanma- “Organik sintez” (tarjima) hamda “Fizik va kolloid  ximiyadan  mashq va masalalar  to‘plami” (1993 yil) muallifidir. Unga 1997 yili  “Farg‘ona davlat  universitetida xizmat ko‘rsatgan  dotsent”  faxriy unvoni berilgan.