Yo‘ldosheva Gavharjon

    Gavharjon Yo‘ldosheva Qoraqalpog‘iston davlat  universitetining  yuridik  fakultetini  tugatgan  yosh mutaxassia o‘z ish  faoliyatini  o‘zi o‘qigan o‘quv  dargoxidan  boshladi, avvaliga  o‘qituvchi, so‘ngra  dotsent, kafedra  mudiri  vazifalarida  o‘zining  iqtidori, bilimini  namoyish  eta bordi. Yuridik  fanlari  nomzodi bo‘ldi. Hozirda Toshkent  davlat  yuridik  instituti  xalqaro  va qiyosiy  huquq  kafedrasi  dotsenti, 70 ga yaqin  ilmiy  ishlar, o‘quv  qo‘llanmalar, monografiyalar muallifi.  Xalqaro  konfrentsiyalarda  o‘z  maruzalari bilan  qatnashib  keladi. O‘quv  qo‘llanmalari , risolalari qoraqolpoq, rus, ingliz tillarida ham chop etilgan. Uning ilmiy  ishlari  xalqaro  tashkilotlarning grant va  turli  mukofotlariga  sazovor bo‘lgan. Gavharjon Yo‘ldosheva o‘zi  o‘qitayotgan talabalarning  ilmli bo‘lishidan tashqari, manaviyati yuksak va dunyo - qarashi keng  bo‘lishiga  intiladi, ularga  avvalo, o‘zi o‘rnak bo‘lishga  harakat qiladi. Gavharjon bolalikdan har narsaga  qiziquvchan  ziyrakkina  qiz edi, u yaxshi  o‘qish  bilan birga  sportga, san‘atga, turli tadbirlarni uyushtirishga qiziqar, maktabning  eng oldi o‘quvchilaridan edi.Otasi Yo‘ldosh aka va  onasi  Bibihojar aya  esa  to‘rttala  farzandning  hayotda el - yurtga kerakli inson  bo‘lishlarini  istardilar va ularning  yutuqlarini ko‘rib  hamisha faxrlanardilar. Gavharjon  Yo‘ldoshevaning   turmush o‘rtog‘i Izbosarjon ham  huquqshunos, ularning farzandlari Alisherbek va Anvarbek ham oilaviy sulolani davom  ettirishmoqda. Jajjigina  nabiralari Samira esa oilaning  quvonchi.