Yunusov Mirzakarim Mirzaxalilovich

Biologiya fanlari nomzodi, dotsent

    1959 yil 14 sentyabrda Quva tumani Qayrag‘och qishlog‘ida tug‘ilgan. 1977 yilda  tumandagi  19 - sonli  o‘rta maktabni  tamomlagan. 1978 yili  armiya  saflarida  xizmat qilgan. 1980 yili  xizmatdan qaytgach, jamoa  xo‘jaligida ishladi.
  1986 yili Farg‘ona  davlat universiteti  tibbiyot - geografiya  fakultetining  biologiya  va qishloq xo‘jaligi asoslari yo‘nalishiga  o‘qishga kirdi. 1991 yili mazkur  yo‘nalishni  imtiyozli diplom bilan tamomlab, zoologiya  kafedrasiga stajyor - tadqiqotchi  lavozimida  ishga qabul qilindi. 1992  yildan umumiy  va regional biologiya kafedrasida o‘qituvchi lavozimida  pedagogik  faoliyatini boshladi.
  M. Yunusov  1996 yilda o‘simliklarni himoya qilish  ilmiy tadqiqot  instituti ixtisoslashgan  Kengashida “Markaziy Tyan - Shan shiralari” mavzusida  nomzodlik dissertatsiyasini  muvaffaqiyatli himoya qilib, biologiya  fanlari nomzodi  ilmiy darajasini oldi. Respublika va xorijiy  nashrlarda  o‘z sohasiga oid 50 dan ortiq ilmiy va ommabop  maqolalar  elon qilgan. Shuningdek, sohaga doir  ko‘plab  o‘quv - uslubiy  qo‘llanmalar  muallifidir.