Filologiya fanlari nomzodi, dotsent
1916 yil 18 yanvarda Andijon viloyati Asaka tumanidagi Katta tojik qishlog‘ida tug‘ilgan. 1930 - 1937 yillarda qishloqdagi maktabda, 1937 - 1940 yillarda Andijon shahridagi pedagogika institutida, 1948 - 1950 yilarida Farg‘ona davlat pedagogika instituti til va adabiyot fakultetida , 1952 - 1958 yillarda O‘zbekiston Fanlar akademiyasi Alisher Navoiy nomidagi Til va adabiyot instituti aspiranturasida tahsil olgan.
Ustozning 1950 yildan to umrining oxiriga qadar bo‘lgan ilmiy - pedagogik faoliyati Farg‘ona davlat universiteti bilan bog‘langan edi. U dastlab tilshunoslik kafedrasida o‘qituvchi, 1960yildan dotsent vazifalarida ishlagan. 1961 - 1963 yillar davomda Fag‘ona davat pedagogika instituti o‘quv shlari bo‘yicha prorektori 1964 - 1970 yillarda filologiya fakulteti dekani, 1971 - 1978 yillarda esa o‘zbek tili kafedrasi mudiri lavozimlarida faoliyat ko‘rsatgan.
K. Yusupov professor K. K. Yudaxin ilmiy rahbarligida o‘zbek va tojik tillarining tipologiyasi muammolariga doyr tadqiqot olib borib, 1958 yilda “Uzbekistan Fayl ar akademiyasi huzuridagi ilmiy Kengashda O‘zbek va tojik tillarining o‘zaro aloqasi” mavzusida nomzodlik dissertatsiyasini himoya qildi. Ilmiy izlanishlari natijasi sifatida 3 ta monografiya, o‘zbek va tojik tillarining turli xususiyatlariga doyr 8 ta risola, 90 ga yaqin ilmiy, 100 dan ortiq ilmiy - ommabop maqolalar respublikamiz hamda qo‘shni respublikalar jurnallari, ilmiy - nazariy anjumanlari to‘plamlarida chop etilgan.
O‘zbek, tojik tillari bo‘yicha yetuk mutaxassis, olim, mohir tashkilotchi, pedagog, minglab shogirdlar ustozi bo‘lgan Karimjon Yusupov 2009 yil 19 dekabr kuni 94 yoshida vafot etgan.
