Zohidov Tesha Zohidovich

    Zohidov Tesha Zohidovich(10.05.1906, Qoʻqon - 22.08.1981, Toshkent) - Oʻzbekistonda zoologiya fani tashkilotchilaridan biri, Oʻzbekiston FA akademigi (1952), Oʻzbekistonda xizmat koʻrsatgan fan va texnika arbobi (1947), biologiya fanlari doktori (1948), professor (1949). O’rta Osiyo universitetini tugatgan (1931). Shu universitet rektori (1932, 1941, 1950 - 1951). Oʻzbekiston FA Zoologiya va parazitologiya instituti direktori(1946 - 1950), Oʻzbekiston FA prezidenti (1952 - 1956). Asosiy ishlari umurtqali hayvonlarni oʻrganishga, zoologiya fanini targʻibot qilishga bagʻishlangan. Qizilqum umurtqali hayvonlarining faunistik tarkibi va ekologiyasini oʻrgangan. “Zoologiya ensiklopediyasi” (1-4-jildlar, T., 1957 - 1979) asari uchun Beruniy nomidagi Oʻzbekiston Davlat mukofoti laureati unvoniga sazovor boʻlgan (1971).