Tarix fanlari doktori, professor D. B. Bobojonova
1952-yilning 25-oktyabrida Xorazm viloyatida tugʻilgan. Millati oʻzbek. 1977-yilda Toshkent davlat universiteti (OʻzMU)ning tarix fakultetini tugatgan.
1989-yilda “Oʻzbekiston yengil sanoatini rivojlantirishda qardosh respublikalar ishchilar sinfining hamkorligi (XX asrning 70-yillari)” mavzusida tarix fanlari boʻyicha nomzodlik dissertatsiyasini, 1997-yilda “Oʻzbekistonda millatlararo munosabatlarning ijtimoiy-iqtisodiy jihatlari (1970-1985-yillar)” mavzusida tarix fanlari boʻyicha doktorlik dissertatsiyasini himoya qilgan.
Hozirgi kunda Oʻzbekiston davlat jahon tillari universitetining “Oʻzbekiston tarixi va huquq asoslari” kafedrasi professori lavozimida ishlaydi.
Tadbirkorlar va ishbilarmonlar harakati - Oʻzbekiston Liberal-demokratik partiyasi Toshkent shahar kengashi ijroiya qoʻmitasi raisining mafkuraviy, tashviqot-targʻibot ishlari boʻyicha oʻrinbosari, Toshkent shahar Kengashi huzuridagi “Siyosiy taʼlim markazi” rahbari. 2006-yilda “Oʻzbekiston Respublikasi mustaqilligining 15 yilligi” koʻkrak nishoni bilan taqdirlangan.
10 dan ziyod shogirdlari boʻlib, ular ichida 6 nafari fan nomzodi ilmiy darajasini olgan.
“Oʻzbekistonda millatlararo munosabatlar”, “Oʻzbekistonda ijtimoiy-iqtisodiy munosabatlar”, “Oʻzbekistonda demografik jarayonlar” mavzulari olimaning ilmiy yoʻnalishi hisoblanadi.
130 dan ortiq ilmiy va oʻquv-uslubiy ishlari mavjud.
