Kobziyeva Olga Petrovna

Tarix fanlari doktori O.P.Kobzeva 1975-yil 11-noyabrda Toshkent shahrida tugʻilgan. Millati rus. 1999-yili Toshkent davlat universitetining tarix fakultetini tamomlagan. Olima 1998-yilda universitet aspiranturasiga sirtdan qabul qilinib, tarix fakulteti “Oʻzbekiston tarixi” kafedrasida faoliyatini oʻqituvchi sifatida boshladi. 2001-yilda “Velikiy Shelkoviy put: problemi nauchnoy periodizatsii i istoki izucheniya yevropeyskimi uchenimi vo vtoroy polovine XIX-nachale XX v.v.” mavzuda nomzodlik, 2010-yilda “Velikiy Shelkoviy put: analiz problem i perspektiv izucheniya” mavzuida doktorlik dissertatsiyalarini himoya qilgan. 2004-yildan dotsent unvoniga ega boʻlgan. O.Kobzeva 80 dan ortiq ilmiy maqolalar va ikki monografiya muallifi. Uning ilmiy maqolalari Rossiya, XXR, Qozogʻiston, Turkmaniston va Qirgʻiziston kabi xorijiy davlatlarida ham chop etilgan. U OʻzFA Sharqshunoslik instituti qoshidagi Muvofiqlashtiruvchi va Ixtisoslashgan kengash aʼzosi. Xalqaro lingvistik akademiyasi (Bornmut, Angliya, 2004) diplomi sohibasi.