Tarix fanlari doktori, professor M.Kdirniyazov 1950-yil 30-mart kuni Qoraqalpogʻiston Respublikasi Qoʻngʻirot tumanida tavallud topgan. Millati qoraqalpoq. Qoraqalpoq davlat pedagogika instituti va Moskva davlat universitetini tamomlagan. Olim 1980-yili «Goroda Zolotoy Ordi Nijneamudari» mavzusida nomzodlik, 2005-yili «Kultura Xorezma va XIII-XIV vv.» mavzusida doktorlik dissertatsiyalarini himoya qilgan. M.Kdirniyazovning 10 dan ziyod shogirdlari fan nomzodi ilmiy darajasiga sazovor boʻlgan. Arxeologiya sohasida koʻplab tadqiqotlar amalga oshirgan. Qator respublika va xalqaro anjumanlar ishtirokchisi. 100 dan ziyod ilmiy ishlari bor. Jumladan: «XIII-XIV asr Xorazm shaharlari moddiy madaniyati», 1989 (rus); «Oltin Oʻrda va Orol boʻyi madaniyati», 1995 (qq); «Oʻrta asr Xorazm shaharsozlik madaniyati. XII-XIV asr». Samarqand, 2007, 2009, (rus); «Oʻrta asrlardagi Mizdaxkan», Samarqand, 2010, (rus). Oʻquv-uslubiy qoʻllanmalar: «Orol boʻyi arxeologiyasi». Temir asri, 1989 (rus); «Xorazm oʻrta asr shaharlari boʻyicha yozma manbalar va tadqiqotlar», 1993 (qq), «Oʻrta Osiyo arxeologiyasi», 2003, 2006 (kk); «Oʻrta asrlardagi Xorazm shaharsozlik madaniyati», 2007 (oʻzb.); «Amir Temur va temuriylar davri Xorazm madaniyati», 2009 (oʻzb.).
