Abduazizova Nazira Abdumajidobna

Tarix fanlari doktori, professor N.A.Abduazizova 1944-yil 21-sentyabrda Toshkent shahrida tugʻilgan. Millati oʻzbek.

Davlat mukofotlari:

• 2006-yil — “Oʻzbekiston Respublikasi mustaqilligiga 15 yil” esdalik nishoni;
• 2006-yil — Jurnalist kadrlarni tayyorlashdagi faoliyati uchun YUNESKOning “Oltin qalam” mukofotini olgan;
• 2008-yil — Oʻzbekistonda xizmat koʻrsatgan yoshlar murabbiysi;
• 2011-yil — “Oʻzbekiston Respublikasi mustaqilligiga 20 yil” esdalik nishoni bilan taqdirlangan.

4 nafar shogird tayyorlagan. Oʻzbekiston Jurnalistlari ijodiy uyushmasi huzurida tashkil etilgan jurnalistning kasb etikasi, axloq-odobi kengashi raisi.

“Oʻzbekiston jurnalistikasi qayta qurilishlar davrida (20-yillar oxiri - 30-yillar)” mavzusida nomzodlik, “Oʻzbekistonda ijtimoiy-siyosiy, adabiy-badiiy jurnallar va ularning tarixiy-tadrijiy tasnifi masalalari (XIX asr oxiri - XX asr)” mavzusida doktorlik dissertatsiyalarini himoya qilgan.

15 ta monografiya, 150 ta maqola, 3 ta oʻquv, oʻquv-uslubiy dasturlar muallifi.