Abdurahmonov Muhammadjon

Tarix fanlari doktori
M.Abdurahmonov 1949-yil 17-avgustda Qirgʻiziston Respublikasi Oʻsh viloyatida tugʻilgan. Millati oʻzbek. 1973-yil Toshkent davlat pedagogika instituti tarix fakultetini tugatgan.

Mirzo Ulugʻbek nomidagi Oʻzbekiston Milliy universiteti Falsafa fakulteti “Maʼnaviyat asoslari va dinshunoslik” kafedrasi mudiri lavozimida ishlaydi.

Olimning bir qator ishlari oʻzbek tiliga oʻgirilib, nashr etilgan va davom etmoqda. Bu sohadagi ilmiy hamkorlik Rossiya Federatsiyasi va Turkiya mamlakatlari bilan keng yoʻlga qoʻyilgan.

M.Abdurahmonovning nomzodlik dissertatsiyasi mavzusi “Oʻzbekiston ishchilarining sanoat korxonalarini boshqarishdagi ishtiroki”. Doktorlik dissertatsiyasi mavzusi esa, “A.Z.Validiyning Turkistondagi ilmiy faoliyati”.

M.Abdurahmonov tomonidan jami 180 dan ortiq ilmiy-uslubiy nashrlar amalga oshirilgan.