Tarix fanlari doktori, professor, tarixshunos, etnograf olim A. X. Doniyorov 1966-yili 30-iyun kuni Qashqadaryo viloyati, Qarshi tumani, Beshkent qishlogʻida xizmatchi oilasida tugʻilgan. 1983-yili Toshkent davlat universitetining tarix fakultetini bitirgan. (Eslatma: matnning davomida 1989-yil koʻrsatilgan).
Mehnat faoliyatini 1984-yili Toshkent davlat universiteti qoshidagi ijtimoiy fanlar oʻqituvchilarini malakasini oshirish institutida komendant, yotoqxona mudiri lavozimlarida ishlash bilan boshlagan. 1986-yildan boshlab oʻrindoshlik asosida Chirchiq shahridagi № 14 hamda Toshkent shahridagi № 65 oʻrta maktablarda tarix va jamiyatshunoslik fanlaridan dars berish bilan birga 1986–1997-yillar davomida Oʻzbekiston televideniyesida shtatsiz muxbir, muharrir, katta muharrir lavozimlarida ham oʻrindoshlik asosida faoliyat koʻrsatib “Oila”, “Oʻzingni er bilsang...”, “Xalqaro telekanal” mualliflik koʻrsatuvlarini tayyorlab olib borgan.
1989-yili ToshDU tarix fakultetini tarixchi, tarix va jamiyatshunoslik oʻqituvchisi mutaxassisligi boʻyicha imtiyozli diplom bilan tugatib, ushbu fakultetning “Etnografiya, qadimgi dunyo va oʻrta asrlar tarixi” kafedrasida oʻqituvchilik lavozimida mehnat faoliyatini davom ettirgan.
