Respublikamizda ilm-fan taraqiyotiga ulkan hissa qo‘shayotgan olima ayollar juda ko‘p. Samarqand davlat arxitektura qurilish instituti “Tillar” kafedrasining mudiri , filologiya fanlari nomzodi Buvsora Axmedova shunday zahmatkash olimalardan biri . Aslida ilm bilan shug‘ullanish igna bilan quduq qazishdek gap. Ancha-muncha mashaqqatlar, uyqusiz tunlar va izlashida o‘tgan lahzalar evaziga inson biror muvaffaqiyatni qo‘lga kiritishi mumkin.Bunday qiyin damlarda buvsora Ahmedova bardoshli va sabrli bo‘la olgan , diliga tukkan ezgu niyat va katta maqsadlari yo‘lida dadil boravergan, oxir-oqibat mehnatlari samara bergan.
-Olima avvalo izlanuvchan bo‘lmog‘i kerak, shuningdek tashkilotchilik , tashabbuskorlik va fidoyilik xislatlari ham uning fe’lida qaror topishi lozim. Bir so‘z bilan aytganda ilm kishisi ko‘plab shogirdlarga murabbiylik ham qilishi kerak. Men huddi shu yo‘ldan bordim,-deydi Buvsora Majidovna.
Buvsora Ahmedova 1957 yil Samarqand shahrida tug‘ilgan. Maktabni tamomlagach Samarqand davlat universitetining chet tillar fakultetida tahsil olgan.
1988 yildan boshlab Samarqand davlat arxitektura institutida ishladi. 1998 yilda Toshkentda davlat jahon tillari universiteti qoshidagi ixtisoslashgan ilmiy kengashda nomzodlik dissertatsiyasini himoya qildi . Keyinchalik ko‘plab o‘quv o‘quv va uslubiy qo‘llanmalar hamda ilmiy maqolalar chop ettirdi. Bu qo‘llanma va maqolalarda fan rivojiga oid dolzarb muammolar tilga olib o‘tilgan.
2005 yil oktyabr oyidan buyon Buvsora Majidovna Samarqand arxitektura qurilish institutining “Tillar” kafedrasi mudiri sifatida faoliyat yuritib kelayotir. Uning ishdagi masuliyati , yosh olimlar ijodiga jonkuyarligi, zamon bilan hamnafas va hamqadam yashayotganligi maqtovlarga loyiqdir. Yaxshi fazilatlari bilan hamisha o‘zgalarning mehriga sazovor bo‘lib, el-yurt ishonchini qozonib kelmoqda .
Insonning hayotida baxtli lahzalar ko‘p bo‘ladi. Lekin ana shunday lahzalarni hayoldan o‘tkazganda ularning ayrimlarigina kishiga bitmas-tuganmas zavq –shavq ato etadi. Buvsora Majidovna ilm bilan mashg‘ul bo‘lgan damlarini hayotini eng go‘zal lahzalari deb biladi. Bu lahzalar unga rohatu farog‘at baxsh etadi, jamiyat ravnaqiga va ilm taraqqiyotiga yetarlicha hissa qo‘shayotganiini mana shu lahzalarda yanada teran tushuna boshlaydi...
Bugungi kunda Buvsora Ahmedovaning xonadoni chinakkam manoda ziyolilar oilasidir. Bu xonadonda voyaga yetgan uch farzand va endilikda ilmga chanqoq bo‘lib yashayotgan besh nafar nabiralar ham o‘zlarini el-yurt xizmatiga chog‘lashayapti.
“Olimlar xizmati mangu qoladi” degan ibora bor. Shu o‘rinda aytish joizki , ajoyib olima Buvsora Ahmedovaning ilm-fan rivoji yo‘lidagi xizmatlari kelgusi avlodlar uchun ibrat bo‘lib qolajak
Zero shoir aytganidek:
Siz shunday insonki, bemisl,tanho,
Asl yuragingiz gardsiz, beg‘ubor.
Siz baxtli ayolsiz, chunki sizdagi-
Samimiy , pok qalbning o‘zi betakror.
