Biologiya fanlari doktori , professor
1936 yil 7 fevralda Andijon viloyati Andijon tumani Zavrak qishlog‘ida tug‘ilgan. 1954 yilda o‘rta maktabni imtiyozli tamomlab, Samarqand davlat universiteti biologiya - tuproqshunoslik fakultetiga botanika yo‘nalishi bo‘yicha o‘qishga kirgan. Mazkur oliy o‘quv yurtini 1959 yilda tamomlab, shu yili O‘zbekiston Respublikasi Fanlar akademiyasi Botanika institutida katta laborant, kichik ilmiy xodim, laboratoriya mudiri lavozimlarida faoliyat olib borgan.
1967 yilda “Bo‘stonlik rayonining asal - shirali o‘simliklari” mavzusida nomzodlik hamda 1989 yilda “O‘zbekistonning asalli o‘simliklari resurslari va ulardan foydalanish” mavzusida doktorlik dissertatsiyalarini muvaffaqiyatli himoya qilgan.
Ilmiy faoliyatida 9644 ta asalli o‘simliklar turini va ularning nektar ajratish jarayonlarini hamda 100 turdan ortiq yangi asalli o‘simliklarni aniqlagan. Asalarichilik sohasi bo‘yicha xalqaro kongresslarda maruza bilan ishtirok etgan. 1987 yilda “Medonosnыe rasteniya Uzbekistana Uzbekistana i puti ix ratsioanlnogo ispolzovaniya” nomli monografiyasini chop ettirgan.
1991 yildan Farg‘ona davlat universitetida o‘z faoliyatini boshlagan. Mehnat faoliyati davomida kafedra dotsenti, 1991 - 1994 yillarda kafedra mudiri, 1994 - 2005 yillarda kafedra professori, 2005 - 2010 yillarda mudiri, 2010 yildan boshlab kafedra professori lavozimida ishlab kelmoqda.
Mamlakatimizning qator viloyatlarida ekilayotgan o‘rta va ingichka tolali paxta navlarining nektar va asal mahsuldorligi o‘rganilish natijasida ingichka tolali paxta navlarining nektar miqdori o‘rta tolali navlarga nisbatan uch martagacha yuqori ekanligini isbotlagan.
2012 yilda qo‘mita bilan yo‘lga qo‘yilgan hamkorlik doirasida Farg‘ona viloyati o‘simlik va hayvonot olami kadastrini tuzishda faol ishtirok etdi.
2014 yilda Hammualliflik asosida “Farg‘ona vodiysining dorivor o‘simliklari, ulardan samarali foydalanish va muhofaza qilish” nomli monografiyasi chop etildi.
