Biologiya fanlari nomzodi
1980 yil 26 yanvarda Buvayda tumanida tavallud topgan. 1998 yilda universitetning tuproqshunoslik yo‘nalishiga grant asosida o‘qishga qabul qilingan. 2002 yilda tuproqshunoslik yo‘nalishi bo‘yicha bakalavr darajasini olib, shu yili botanika yo‘nalishi bo‘yicha magistraturaga qabul qilindi. 2004 yilda magistraturani imtiyozli diplom bilan tamomlagan.
Pedagogik faoliyatini 2004 yilda Farg‘ona davlat universitetida tuproqshunoslik kafedrasida o‘qituvchilikdan boshlagan. Keyinchalik tuproqshunoslik kafedrasi aspirant (2004 - 2007), o‘qituvchisi (2008 - 2010), katta o‘qituvchisi (2010) lavozimlarida samarali faoliyat ko‘rsatgan. 2010 - 2014 yillarda tuproqshunoslik kafedrasi mudiri lavozimida ishladi. 2014 yildan “Uzbekistan tot va tot oldi tuproqlarining ekologik - genetik xususiyatlari va unumdorligi” mavzusida tuproqshunoslik va agrokimyo ilmiy - tadqiqot institutida kafedra professori G‘. Yuldashev ilmiy maslahatchiligida katta ilmiy xodim - izlanuvchi sifatida faoliyat yuritib kelmoqda.
2010 yilda tuproqshunoslik va agrokimyo ilmiy - tadqiqot davlat institutida huzuridagi ixtisoslashgan Kengashda 03.00.27 - Tuproqshunoslik ixtisosligi bo‘yicha “So‘x konus yoyilmasi sugoriladigan tuproqlarining geokimyoviy xususiyatlari” mavzusidagi nomzodlik dissertatsiyasini muvaffaqiyatli himoya qildi.
Kafedraning A – 7 - 445 raqamli DIT dasturi loyihasining 2006 - 2008 yillarga mo‘ljallangan mavzusida ilmiy - tadqiqot ishlarini olib bordi. Bundan tashqari, bir necha xo‘jalik shartnomalarini bajarishda ishtirok etib kelmoqda.
Hozirga qadar 1 ta monografiya, 2 ta o‘quv qo‘llanma, 2 ta uslubiy qo‘llanma va OAK e’tirof etgan jurnallarda, xalqaro va respublika miqyosidagi ilmiy- amaliy anjuman to‘plamlarida sohaga oid 40 ga yaqin ilmiy maqolalar va tezislar chop ettirishga erishgan.
