Iskandarova Munavvar

    1952 yilda Xonqa tumanidagi Qirqyop qishlog‘ida tavallud topgan. Iqtisod fanlari nomzodi, dotsent. Mehnat faoliyatini 1976 yilda Xonqa tumanidagi Ibn Sino nomidagi umum o‘rta ta’lim maqtabida o‘qituvchiliqdan boshlagan. 1977 — 1993-yillarda Urganch qurilish kollejida yoshlarga iqtisod fanidan saboq berish bilan birga, ijtimoiy-gumanitar fanlar bo‘limiga boshchilik qilgan. U 1993 yildan to bugungi kunga qadar Toshkent Tibbiyot akademiyasi Urganch filiali «Ijtimoiy fanlar» kafedrasida o‘qituvchi, katta o‘qituvchi, dotsent lavozimlarida mexnat qilib, yoshlarga har tomonlama chuqur va puxta ta’lim-tarbiya berib kelmoqda.
    O‘z ishining fidoyisi bo‘lgan M.Iskandarova pedagoglik maxoratini oshirish uchun doimiy ravishda izlanib keladigan xaqiqiy jonkuyar pedagog bo‘lish bilan bir qatorda, ilmiy-tadqiqot ishlarini ham davom ettirib kelmokda. Xususan, 1998 yilda O‘zbekiston Respublikasi Bozor islohotlari ilmiy tekshirish institutida «Xorazm viloyatida bozor iqtisodiyotiga o‘tish sharoitida ijara va ijara  munosabatlari asosida xo‘jalik yuritishning samaradorligini oshirish yo‘llari» mavzuidagi nomzodlik dissertatsiyasini muvaffakiyatli yoqlagan. Olimaning bugungn kunda fan olamiga qo‘shgan xissasi salmoqli, 30 dan ortiq ilmiy ishlari nashr ettirilib, viloyatimizdagi qishloq va xalq xo‘jaligining turli soxalarida amalda qo‘llanilib kelmoqda.
    M.Iskandarova nafaqat yoshlarga ta’lim-tarbiya berish, balki olima ayol sifatida xam o‘zining bor qobiliyati va saloxiyatini el-yurtga tanitib, «Olima ayollar» ijodiy uyushmasi Xorazm viloyati bo‘limi raisi lavozimida ham samarali faoliyat ko‘rsatib kelmoqda. Uning sa’y-harakatlari tufayli bugungi kunda 250 nafardan ortiq olima ayollar viloyat kundalik xayotidagi dolzarb muammolarni ilmiy hal qilish, yosh avlodni yuksak ma’naviyatli va barkamol qilib tarbiyalashdek savobli va xayrli ishlarga munosib hissa qo‘shib kelmokda.