Karimova Farida Isoqovna 1959 yil 30 oktyabrda Namangan viloyati Norin tumanidagi Uchtepa qishlog‘ida xizmatchi oilasida tug‘ildi. 1966 yil Uchtepadagi 38 - o‘rta maktabga o‘qishga kirdi. Bola tarbiyasida oliaviy muhitning ham muhim o‘rin tutishi hech kimga sir emas. Farida o‘sgan xonadon marifatli xonadon edi, Ota - onalari, amakilari qishloqning yetuk ziyolilari, san’at, adabiyot ixlosmandlari bo‘lganliklari bois farzand tarbiyasiga katta e’tibor bilan qarardilar. Ularning xonadonida qishloq ziyolilari ko‘pincha yig‘ilishib, suhbat qulardilar.
Adabiyotga bo‘lgan qiziqish uni o‘rta maktabni tugatgach, ToshDU (xozirgi Milliy universitet)ning filologiya fakultetiga o‘qishga yetakladi. 1981 yil universiteti imtiyozli diplom bilan tamomlab, yo‘llanmani Toshkent Davlat madaniyat institutining Namangan filialiga oldi.
Farida navoiyshunos olim professor A. Hayitmetov rahbarligida “O‘zbek adabiyotida debocha” mavzuidagi nomzodlik dissertatsiyasi ustida tadqiqot ishlarini olib boradi va 1993 yilning 27 oktyabrida uni muvaffaqiyatli himoya qildi.
F. Karimova hozirgi kunda Namangan davlat universitetida “O‘zbek adabiyoti” kafedrasini boshqarmoqda. “O‘zbek adabiyoti tarixi”, “Adabiyot nazariyasi” fanlaridan ma’ruza va amaliy mashg‘ulotlar olib bormoqda. Faridaxon xushmuomalaligi, kamtarligi, mexnatsevarligi, talabchan va izlanuvchanligi bilan professor - o‘qituvchilar hamda talabalar o‘rtasida katta obro‘ qozongan.
Uning o‘ttizga yaqin ilmiy va uslubiy, axloqiy - ma’rifiy maqolalari respublika jurnallarida, qator ilmiy to‘plamlarda bosilgan. Hozirgi kunda doktorlik dissertatsiyasi ustida tadqiqot ishlarini olib bormoqda.
Milliy istiqlol g‘oyalarini mustahkamlash borasida pedagoglar, xususan, o‘zbek tili va adabiyoti mutaxassislari zimmasiga ulkan mas’uliyat yuklangan. O‘zbek adabiyot namoyandalari ijodi ma’naviyatimizning ajralmas bir bo‘lagidir. Shu bois u o‘zbek adabiyotidan chuqur ilmiy, materiallarga boy, mazmunli va qiziqarli ma’ruzalar o‘qishga, turli adabiy kecha va tadbirlar o‘tkazishga xarakat qiladi. Viloyat, universitst va fakultet miqyosida o‘tkazilgan navoiyxonlik, boburxonlik, mashrabxonlik, ogahiyxonlik kechalari, shuningdek, zamondosh ijodkorlarimizning tavallud ayyomlari munosabati bilan o‘tkazilayotgap tadbirlar shular jumlasidandir,
Faridaxon oilali. Turmush o‘rtog‘i Ikromjon viloyat IIB xodimi. Ikki nafar farzandlari bor.
Inson xamisha orzular qanotida yashaydi, to‘kislikka intiladi. Har bir ayol orzu qilgan to‘kis baxt Faridaxonga xam nasib etgan bo‘lsa ne ajab!
