Madg‘oziyev Muhammadjon

Filologiya fanlari nomzodi, dotsent

    1938 yil 23 fevralda Farg‘ona viloyati  Qo‘shtepa  tumanidagi Katta Boltako‘l  qishlog‘ida tavallud topgan. Dastlab  shu qishloqdagi  6 - o‘rta  maktabda, so‘ngra Oqtepa  qishlog‘idagi 8 - o‘rta maktabida tahsil olgan. 1956 yilda Farg‘ona davlat pedagogika  institutining  tarix - filologiya  fakultetiga  o‘qishga kirib, uni 1961 yilda  imtiyozli  diplom  bilan tamomlagan. 1961 yildan shu  institutda o‘qituvchi, dotsent, kafedra  mudiri, fakultet dekani vazifalarida  faoliyat  olib borgan. 1996 - 2000 yillarda  Farg‘ona  shahar  Ma’naviyat  va ma’rifat  Markaziga  rahbarlik qildi.
  1966 yildan akademik V. Abdullayev rahbarligida ilmimy  tadqiqot  ishini boshlab, 1973 yilda “Xojajon Rojiy  Marg‘inoniy va uning  poetik  mahorati” mavzusidagi  nomzodlik  dissertatsiyasini  Samarqand  davlat universiteti  qoshidagi ilmiy  Kengashda  muvaffaqiyatli  himoya qildi. U Farg‘ona  davlat pedagogika  instituti o‘zbek mumtoz  adabiyoti  va poetika   muammolariga bag‘ishlangan  400 dan ortiq  ilmiy   -   ommabop  maqolalari matbuotda  e’lon qilingan.