Filologiya fanlari nomzodi, dotsent
1922 yilda Namangan viloyati Yangiqo‘rg‘on tumanida tavllud topgan. 1940 - 1941 yillarda Toshkent davlat pedagogika institutida, 1943 yilda bir yillik o‘qituvchlar tayyorlash kursda o‘qigan. 1942 - 1945 yillarda II Jahon urushida ishtirok etgan. 1948 yilda Farg‘ona davlat pedagogika instituti o‘zbek tili va adjabiyoti fakultetini tomlagan.
1939 - 1942, 1945 - 1946 yillarda Yangiqo‘rg‘on tumani maktablarida o‘qituvchi, o‘quv bo‘lmi boshlig‘i, maktab direktori lavozimlarida ishlagan. 1948 - 1963 yillarda Farg‘ona davlat pedagogika instituti o‘zbek tilshunosligi kafedrasida o‘qituvchi, 1963 - 1971 yillarda katta o‘qituvchi, 1971 yildan umrining oxiriga qadar kafedra dotsenti siftida faoliyat olib borgan.
1960 yilda “Hozirgi o‘zbek tilida to‘ldiruvchi ergash gapli qo‘shma gaplar” mavzusida nomzodlik dissertatsiyasini himoya qilgan. Ustoz H. Rustamov izchil ravishda o‘z bilimini ta’lim - tarbiyaga bog‘lab borar edi. Professor A. Mamajonov bu haqida shunday qayd etadi: “Ta’limni unumli mehnat va axloq - odob bilan uzviy aloqadorligini ta’minlab olib borishning namunali tarbiya vositasi ekanligini o‘z vaqtida anglagan va buni o‘zining butun pedagoglik faoliyatida amalga oshirgan ustozlarimizdan biri zabardast olim Hasanali Rustamovdir. Ustoz ona tilimizning haqiqiy jonkuyari edi. Domla hamisha bir gapni takror - takror aytardi: “Ona tilini mukammal bilish - dunyoni bilish kaliti”.
Olimning “O‘zbek tili o‘qitish metodikasidan kurs ishlari tematikasi” (1958), “Sintaksis va punktuatsiya o‘qitish metodikasi” (1960), Kechki ta’lim maktablarining 5 - 8 sinflari uchun “O‘zbek tili darsligi” (ham muallif, 1973), “O‘zbek tili o‘qitish metodikasi” (ham muallif, 1975), Kechki ta’lim maktablarining 9 - 11 sinflari uchun “O‘zbek tili darsligi” (ham muallif, 1977), “O‘zbek tili stilistikasi” (ham muallif) singari qator kitoblari o‘zbek tili va uni o‘qitish sohasida muhim manba sifatida o‘z ahamiyatini saqlab kelmoqda.
