Javlonbek Xolmirzayev 1972 yil 27 oktyabrda Namangan viloyati Namangan tumani Olaxamak qishlog‘ida ziyoli oilasida tug‘ilgan.
1979 yili tumandagi 13 - o‘rta maktabning 1 - sinfiga o‘qishga kirib, 1989 yili Namangan shahridagi 7 - politexnika maktabining 10 sinfini muvaffaqqiyatli tamomlagan. Shu yili Toshkent mashinasozlik institutining Namangan filialiga (hozirgi NamMPI) o‘qishga kirib, 1994 yili shu institutning “Shahar avtomobili ekspluatatsiyasi va ta’miri” ixtisosligi bo‘yicha tamomlagan.
Mehnat faoliyatini 1994 yil sentyabr oyidan Namangan sanoat - texnologiya institutining (hozirgi Nam- MPI) umumtexnika fanlari kafedrasida laboratoriya mudiri lavozimida boshlagan.
1995 yili O‘zFA Mexanika va inshootlarning seysmik mustahkamligi instituti aspiranturasiga o‘qishga kirib, ilmiy - tadqiqot ishlarini olib bordi va 1999 yili “Paxtani yirik xas - cho‘plardan tozalagich mashinalarining dinamikasi” mavzusida “Mashina va mexanizmlar nazariyasi” ixtisosligi bo‘yicha nomzodlik dissertatsiyasini yokdab, texnika fanlari nomzodi ilmiy darajasini olgan.
Pedagogik faoliyatini 1999 yilda NamMPIda katta o‘qituvchi lavozimida boshlagan.
2000 yildan beri Toshkent to‘qimachilik va yengil sanoat instituti professor - o‘qituvchilari bilan hamkorlikda “Ishchi organlari o‘zgaruvchan rejimda ishlovchi paxta tozalash texnologiyasini ilmiy asoslash va paxtani yirik xas - cho‘plardan tozalagich konstruk - tsiyasini takomillashtirish” mavzusida doktorlik dissertatsiyasi ustida ilmiy - tadqiqot ishlari olib bormoqda.
Ilmiy - pedagogik faoliyati mobaynida 40 dan ziyod ilmiy maqola va uslubiy ko‘rsatmalar chop ettirgan hamda 3 ta ixtirosi uchun mualliflik guvohnomasini olgan.
Hozirgi kunda transport fakultetining transport vositalaridan foydalanish kafedrasi mudiri lavozimida ishlamoqda.
J.Xolmirzaev mehnat faoliyati davomida mohir pedagog, mehribon ustoz ekanligi va har qanday topshiriqqa mas’uliyat bilan yondoshganligi tufayli jamoa a’zolari orasida hurmat - e’tibor qozongan.
