Abdumajid aka va Hidoyat aya xonadonida ketma – ket sakkiz farzand dunyoga keldi. Hunarmand ota bolalari o‘qimishli bo‘lishlarini niyat qildi. Niyat xolis ekan, hidoyat opaning farzandlari el - yurt tanigan olimu, olimalar bo‘lib yetishdi. Yosh Nazira ham bolalikdan o‘qishga qiziqdi. Jurnalistika tarixi bo‘yicha fan doktori, professor bo‘lib yetishdi. Uning bu darajaga yetishishida tog‘asi akademik Vohid Abdullayevaning xizmatlari katta bo‘ldi. Hozirda Nazira Abduazizova O‘zbekiston Respublikasi Prezidenti huzuridagi Davlat va jamiyat qurilishi akademiyasi qoshidagi O‘zbekistonning yangi tarixi markazi ilmiy tadqiqot bo‘limi bosh ilmiy xodimi bo‘lib ishlab kelmoqda. Milliy jurnalist kadrlarni tayyorlashdagi katta xizmatlari uchun xalqaro “Oltin qalam” sertifikati bilan mukofotlangan, O‘zbekistonda xizmat ko‘rsatgan yoshlar murrabiysi, jurnalistika tarixiga oid darsliklar, o‘quv dasturlari, risolalar, monografiyalar muallifi. Nazira Abduazizovaning asosiy ilmiy faoliyati mustaqillik yillariga to‘g‘ri keldi. U milliy matbuot tarixini yangi davr talablari asosida, milliy tiklanish jarayon holis va aniq aks ettirib beruvchi uch qismdan iborat darslik yaratdi. Sermahsul tadqiqotchi sifatida tanildi. Ilmiy ishlari O‘zbekiston matbuoti tarixi fanini rivojlantirishga qo‘shilgan salmoqli va munosib hissadir.
Olima o‘z ish faoliyatini O‘zMUning jurnalistika fakultetidan boshladi va 30 yil ana shu dargoxda yoshlargi ilm berdi, o‘qituvchi , dotsent kafedra mudiri, professor lavozimlarida ishlash bilan bir qatorda , jamoat ishlarida ham faol qatnashdi, ko‘p yillar universitet Xotin – qizlar qo‘mitasi raisi sifatida faoliyat ko‘rsatdi.
Naziraxon Abduazizova oilali, ikki farzandning onasi, ikki nabiraning mehribon buvijonisi.
