Kimyo fanlari nomzodi, dotsent
1941 yil 1 dekabrda O‘sh viloyatining Novqat tumanida tavallud topgan. 1959 yilda o‘rta o‘rta maktabni tugatib, bir yil pochtada ishladi . 1960 yili FDPIning kimyo - biologiya fakultetiga o‘qishga kirib, 1965 yilda tamomladi. Talabalik davrida faol jamoatchi sifatida fakultet kasaba uyushmasini boshqardi. Institutni bitirgach, o‘z ixtiyori bilan 3 oy maktabda kimyo fanidan dars berdi.
1966 yildan boshlab FDPI kimyo kafedrasida laborant, o‘qituvchi, assistent lavozimlarida ishladi.
1970 - 1973 yillarda Moskva elementar organik kimyo institutining ftor birikmlari kimyosi kafedrasida aspiranturani bitirdi. 1974 yili “Ftor monomerlaridan perftortakril kislota va unda polimerlarni sintez qilish” mavzusida nomzodlik dissertatsiyasini yoqladi.
1974 - 1982 yillari Moskva plastmassa ilmiy tadqiqot institutining Farg‘ona filialida laboratoriya mudiri lavozimida faoliyat olib bordi. 1982 yili Farg‘ona davlat pedagogika instituti ximiya kafedrasiga dotsentlik lavozimiga ishga taklif etildi. 1992 yili FarDU umumiy kimyo va kimyo o‘qitish kafedrasi, so‘ng noorganik va analitik kimyo kafedrasi mudiri, kimyo bo‘limi boshlig‘i lavozimlarida ishladi.
Yo. G‘. Abdug‘aniyev faoliyati davomida 3 ta mualliflik guvohnomasi, 70 dan ortiq ilmiy, ilmiy - uslubiy maqolalar , qo‘llanma va chet el patentlari (AQSh, Frantsiya, Ispaniya) olib, fan va ishlab chiqarish sohalarida faoliyat olib borgan.
U Farg‘ona neftni qayta ishlash aktsionerlik kompaniyasi,”Quvasoytsement” AJ bilan hamkorlikda samarali ishlar olib borgan. Kafedraning ijtimoiy va ilmiy pedagogik sohalarida faol qatnashib, yuqori bosqich talabalarining bitiruv - malakaviy ishlariga, magistratura bo‘limida magistrlik dissertatsiyalariga rahbarlik qilib kelmoqda. Yo. Abdug‘aniyev “FarDU da xizmat ko‘rsatgan dotsent” faxriy unvoniga ega. Bir necha marotaba universitet ma’muriyatining raxmatnomasi, O‘zbekiston Respublikasi Oliy va o‘rta maxsus ta’lim vazirligining Faxriy yorlig‘i bilan taqdirlangan. 2002 yilda “Kasb - hunar va maxsus ta’lim a’lochisi” nishondori bo‘ldi.
