G‘ulomova Mavjuda

    Kimyo fanlari nomzodi, 1954-yilda Buxoro shahrida tug‘ilgan. 1977-yil Samarqand Davlat universiteti kimyo fakultetining "kimyo" mutahassisligi bo‘yicha tugatgan. 28-martda kimyo fanlari nomzodi uchun ilmiy dissertatsiyasi- ini himoya qildi. Ilmiy ish natijalari asosida Xalqaro anjumanda (Kiev—1987, Ivanovo—1988, Batumi—1989, Leningrad—1989) va 14-Mendeleev s’ezdida ma’ruzalar qilgan. Kroun efirlarning membrana aktivlik hossalariga asoslanib kaliy selektiv elektrodlar ishlab chiqilib, O‘zbekiston Respublikasi "Fiziologiya" institutiga non tarkibidagi, Pushino "Tuproqshunoslik" institutida tuproq tarkibidagi, ilmiy tekshirish laboratoriyalarida qovun-tarvuz, meva, sharbatlari tarkibidagi kaliyning miqdorini aniqlashda, shu bilan birgalikda o‘quv jarayonida fizika-kimyoviy analiz usulida ishlatilmoqda. Oliy o‘quv yurtida 19 yildan beri muallimlik qilayotgan G‘ulomova Mavjudaning 40 dan ortiq asarlari,1 maqola, 10 dan ortiq o‘quv uslubiy qo‘llanmalari chop etilgan.