Sigalov Rafail Grigoryevich

Fizika kafedrasi dotsenti

    1909 yilda tug‘ilgan. Sverdlovsk shahridagi Ural davlat  universitetining  fizika - matematika  fakultetini 1934 yilda imtiyozli  yakunlangandan so‘ng , yo‘llanma bilan Farg‘ona davlat universitetiga ishga  yuboriladi. O‘zining 40 yildan oshiq ilmiy - pedagogik faoliyati  mobaynida dastlab  o‘qituvchi, so‘ngra  umumiy fizika  kafedrasi mudiri va dotsenti lavozimlarida  ishladi. Ilmiy  tadqiqotlar tashkilotchisi, yoshlar murabbiysi va  yuqori malakali olim - pedagog sifatida  tanildi. Ayniqsa, magnit  maydonining dinamik tasiri – ponderamotor  kuchlarni o‘rganish  sohasida original ilmiy natijalarga  erishdi. Jumladan, Amper kuchlari  markaziy  simetrik kuchlar bo‘lmaganligidan magnitik o‘zaro tasir  uchun Nyutonning 1 - qonuni amalda  buzilishi  mumkinligini fanda birinchi bo‘lib  nazariy va eksperimental  jihattdan ko‘rsatib berdi. Uning ilmiy ishlari  Nobel  mukofoti laureati, akademik I. Ye. Tamm tomonidan etirof  etilgan. Dotsentlar R.G. Sigalov, X. X. Karimov va T.I. Shapovalovalar tomonidan 1965 va 1975 yillarda “Noviye  issledovaniya dvijuxshix sil  magnitnogo polya”(Toshkent, “Fan”) nomli  monografiyasining 1 va 2 - nashrlari elon qilindi. 1971 yili ilmiy pedagogik  ishlari uchun dotsent unvoni  berilgan.
  R. G. Sigalov 2000 yilda Farg‘ona shahrida vafot etgan.