Tolipov Abdullajon

 Fizika - matematika fanlari nomzodi, dotsenti

    1938 yil 3 dekabrda  Farg‘ona viloyati  Quva  tumani  Akbarobod  qishlog‘ida tavallud topgan. O‘rta maktabni 1956 yili  tamomlab, FDPIning  fizika - matematika  fakultetiga o‘qishga kirdi. 1961 yili  shu fakultetning matematika-chizmachilik  bo‘limini  muvaffaqiyatli tamomlab, Quva tumani Akbarobod qishlog‘idagi 3 - maktabda ish boshladi. 1961 - 1962 yillarda harbiy xizmatni o‘tab keldi.Shu yili FDPI matematik analiz kafedrasida avval laborant, so‘ngra o‘qituvchi lavozimida ishlay  boshladi.
    1964 - 1966 yillarda O‘zFAning  Matematika institutida shogird - tadqiqotchilik muddatini o‘tadi va matematik analiz kafedrasida oldingi ishini  davom  ettirdi. 1970 - 1973 yillarda  O‘zFA Matematika institutining differentsial tenglamalar bo‘limida aspiranturani tamomladi va 1973 yilda “Nekotorqe kraevqe zadachi dlya uravneniya smeshannogo tipa s odnoy  i dvumya liniyami virojdeniya” mavzusida fizika - matematika  fanlari nomzodi  ilmiy darajasini olish uchun  dissertatsiyani himoya qildi.
    A.Tolipov matematik analiz kafedrasining katta o‘qituvchisi , dotsent lavozimlarida ishlagan. U 25 dan ortiq  ilmiy maqolalar va o‘quv  qo‘llanmalari muallifidir.