Zufarov Komiljon Ahmadjonovich (01.05.1925 – Toshkent, 30.07.2002) gistolog olim, Oʻzbekiston FA akademigi (1968), Oʻzbekistonda xizmat koʻrsatgan fan arbobi (1968). ToshTI ni tugatgan (1951). Ikkinchi jahon urushi qatnashchisi, Andijon tibbiyot instituti gistologiya kafedrasi mudiri va fakultet dekani (1955-1957), Oʻlka tibbiyot instituti va Oʻzbekiston FA yadro fizikasi institutida laboratoriya mudiri (1957-1965), ToshTI rektori (1956-1971), Oʻlka tibbiyot instituti direktori (1971-1972). Oʻzbek sovet ensiklopediyasi bosh muharriri (1977-1986), “Fan va turmush” jurnali bosh muharriri (1988-1992). ToshTI gistologiya kafedrasi (1962 yildan) va biofizika laboratoriya (1966 yildan) mudiri. Asosiy ilmiy ishlari hujayralar ichida sekretsiya va soʻrilish jarayonlari hamda ularning boshqarilish mexanizmini oʻrganishga oid Oʻzbekistonda birinchi boʻlib elektron mikroskopiya laboratoriyasiga asos solgan. Ingichka ichakdan soʻrilgan ekzogen oqsillarning buyraklarda parchalanishi toʻgʻrisidagi ilmiy kashfiyot muallifi (1987). Beruniy nomidagi Oʻzbekiston Davlat mukofoti laureati (1981).